“E kasi hindi siya ganyan e.”
“Hinahanap ko kasi yung mabait, yung chenes, yung chuchu…”
“Ang gusto ko sa babae/lalake yung …”
Diba ganyan minsan ang sinasabi natin kapag tinatanong kung “Bakit ba ayaw mo sa kanya?” “Ano ba kasing tipo mo?” Para bang may hinahanap tayo. Either yung kung anong meron tayo dati na nawala or yung nabuo sa isip natin na gusto natin. Nagkakaron tayo nang idea na “eto ang gusto ko” “dapat ganito”
Bakit nga ba? Marahil kaya ganun ang gusto mong trait ng magiging partner mo dahil ganun ang trait ng tatay mo or nanay mo at gusto mo ganun din. Marahil ganun ang trait na gusto mo sa partner dahil ganun yung napapanood mo sa tv. Marahil dahil ganun ang trait nung ex mo. Marahil ganun ang syota nang kaibigan mo. Maraming pwedeng pagmulan yan e. Kaya nagiging choosy tayo. Kasi meron tayong gusto. Nagkalaman ang isip natin na “Dapat ganito.”
E paano kapag walang ganyan? Paano kapag ang taong magmamahal sayo ng totoo o ang taong para sayo ay hindi ganyan? Hindi mo man lang bibigyan ng chance? Hindi mo man lang susubukan dahil “hindi kasi siya chuchu e”
Tapos magrereklamo tayo “Bakit ba walang nagmamahal sakin?” Tapos sasabihin natin sa mga kaibigan nating in a relationship na “O kayo na nga!” “Bute pa kayo.” E SINO BANG MAY KASALANAN? SINONG BANG CHOOSY?
Dapat sa isang relasyon, kakalimutan mo muna lahat ng bagay. Wag kang papasok sa isang relasyon na may hinahanap. Nang may naiiwan. Wag yung nasa isang relasyon ka na tapos sasabihin mong “Bute pa si ganyan…” Tapos magrereklamo ka sa bestfriend mo “Parang ayaw ko na, di kasi siya ganyan e”
Dapat blanko ka muna, wala ka munang laman. Parang papel lang na susulatan mo ng isang bagong storya. Hindi ka pwedeng magsulat ng ibang storya sa isang nag e exist pa na storya. Kung gusto mo gumawa ng bagong storya, paniguraduhing walang laman ang papel. Dahil kapag pinagsama ang isang storya at isa pa, kagulo ang ending. Pangit ang takbo, hindi maiintindihan.
Dapat kapag nasa isang relasyon ka, walang laman ang puso mo, walang bakas ng kahapon, wala kang ex na iisipin, wala kang ex na ikinukumpara, wala kang iisiping iba kung hindi siya, yung bago.
Ganun din sa paghahanap. Wala ka dapat basihan, walang markang dapat mong sundan. Para mas madali para sayo ang lahat. Para hindi ka nahihirapang pumili. Para mas alam mo ang gagawin mo.
Sa relasyon, yang puso mo, dapat wala yang laman. Para malamnan ito ng panibago. Para hindi dalawa, para hindi kagulo. Para malinaw ang takbo.
No comments:
Post a Comment