Yung mas mahal ka o yung mas mahal mo?

Ano yung mas okay? Yung mas mahal mo sya o yung mas mahal ka nya?

Yung mas mahal mo sya na kahit hindi kayo masyado nakakapag usap okay lang, yung kahit hindi siya humingi nang sorry sa nagawa nya sayo okay lang, yung kaya mong palampasin lahat nang pagkukulang nya, yung kapag hindi kayo magkasama sapat na sayo ang isang text mula sa kanya, yung lagi mo nalang iisiping busy sya kaya hindi ka nya natetext, yung ayos lang sayo na mas masaya sya sa mga kaibigan, yung kapag hindi sya magtetext okay lang, yung wala syang time sayo, yung minsan na nga lang kayo magkasama tapos wala pa sya sinasabi sayo, yung minsan mo lang talaga maramdaman na espesyal ka sa kanya. Yung sapat na sayo na alam mo sa sarili mo na kayo. At bilang kayo, may pinanghahawakan ka. Alam mong kahit papano may pagasa. Nasasaktan ka sa pagtrato nya sayo na parang hindi nya kasintahan pero wala kang magawa, ayaw mo sya i confront e. Kasi nga naman baka iwan ka nya. Hindi mo pa naman kaya na iwan ka nya kasi sa relasyong meron kayo, mas mahal mo sya.

Yung mas mahal ka nya na alam mo naman hindi ka nya kayang iwan kaya aabusuhin mo pa. Alam mo kasing hindi ka nya kayang iwan kaya hindi mo sya bibigyan nang time. Hindi mo siya masyadong mahal kaya kahit kayo ay mas marami pa ang load at time na naaaksaya mo sa iba kesa sa kanya. Hindi mo sya masyadong mahal kaya natutuwa ka lang itext sya kapag medyo nagreklamo na sya sayo. Hindi mo sya masyadong mahal kaya kung saan saan ka pumupunta nang hindi man lang nya alam dahil alam mong hindi naman sya magrereklamo. Hindi mo sya masyadong mahal kaya kahit nasa isang relasyon ka na ay naghahanap o nagpapahanap ka pa din nang iba, Hindi mo siya masyadong mahal kaya wala kang pakialam sa nararamdaman nya, hindi mo alam kung panong ayaw nyang masira ang relasyon nyo kaya hindi sya nagrereklamo. Hindi mo sya gaanong binibigyan nang time kasi alam mong hindi nya kayang wala ka. May pinanghahawakan ka e, yung pagmamahal nya sayo. Masyado kang kampante kasi nga naman sa relasyong meron kayo, mas minamahal ka nya.

Anong mas okay?
Anong mas mahirap?

May sakto ba? Yung gitna lang? Parang wala. Sa magkaka relasyon, at one part or another, sure ako na hindi pantay ang pagiibigang nagaganap. Isa yung mas nagmamahal. Isa yung medyo lang at mas minamahal.