A book kemberloo: PEKSMAN

May mga libro talagang nakakapukaw ang title ano? Parang title palang, storya na. Matagal ko na gustong bilhin ang librong 'Peksman (mamatay ka man) nagsisinungaling ako [at iba pang kuwentong di pa dapat paniwalaan]' kasi mas nakakaengganyo naman para sa akin ang title nito kesa dun sa 'Ligo na u, lapit na me' pero dahil kasama sa cinemalaya2011 ang pangalawang nabanggit, "Don't judge a book by its title" nalang ang peg ko.

Bilang matagal ko lang gustong bilhin ang librong yan, nabili ko lang siya ngayong taong ito dahil prof namin si Eros S. Atalia, author ng nasabing dalawang libro. Mula kasi nung nalaman nilang (blockmates) siya ang prof namin parang ang daming nagbasa nung Ligo na u, lapit na me niya. Samantalang dati, keber keber lang. So parang ako, ang mainstream na ng Ligo na u, lapit na me plus the fact na kasama pa nga siya dun sa cinemalaya.

E tutal matagal ko na din naman gustong bilhin etong Peksman mamatay ka man nagsisinungaling ako, binili ko na. Peksman binili ko siya. Oo, mamatay ka man. Title pa lang cool na diba?

E diba sa mga libro, may parang mga kumento yung ibang mga mahahalagang tao tungkol sa librong yun? Ang huling ganung chever ay...

"Humanda ka, Bob Ong!"
-Vim Nadera, Director, UP Institute of Creative Writing

E diba totoong si Eros Atalia naman talaga ay sadyang naihahambing sa kilalang kilala nating si Bob Ong dahil sa diumanoy pareho nilang treatment sa kanilang books, na nakakatawa and kemberloo. Pero ngayon ko lang kasi natapos kaya masasabi kong yes pareho sila pero parang ewan ko. Hahaha! Ang gulo, ayoko sabihin kung sino mas angat.

Ano kasi, ang daming alam ni Eros. Sobrang dami. Nakakatawa. Sa sobrang korni, nakakatawa. Pero lahat nang sinasabi niya, may laman. As in may laman. Akala mo ganun lang kababaw pero kung susuriin mong maigi, "Putangina yun pala yun" "Puta oo nga no"

Wala lang, hindi dahil prof ko siya or what (kasi ang labo niya sa personal, ang gulo, walang biro) pero maganda yung book niya. So sa mga loyal kay Bob Ong at siya lang ang sinasamba, try niyo to, baka medyo magbago isip niyo. Pero wala ako sinasabi. Haha. May tinatayp lang. Duh.

Maganda. Nakakatawa. Putangina.
Peksman. Mamatay ka man.