Ano nga ba ang side ko sa mainit na usapang gawing legal ang diborsyo sa Pilipinas? Hindi ko pa talaga alam e. Siguro kahit ano nalang. Kasi parang okay naman na meron at okay naman na wala.
Parang para sa akin, okay lang na legal ang divorce dahil sadyang may mga relasyon naman talagang sirang sira na at hindi na talaga kayang ayusin pa. Pero diba sa pag didiborsyo, hindi naman agad agad naaaprubahan yun, so ang magka relasyon ay mabibigyan pa ng sapat na panahon para makapag isip isip sa kung ano man talaga ang nilalaman ng puso nila. Kung hindi na ba nila talaga kaya magbago para sa ikakaayos ng kanilang relasyon, kung hindi na ba nila kaya ayusin para sa masisira na nilang pamilya.
Isa pa din yung mga babaeng minamaltrato ng kanilang asawa, sinasaktan, binubulyawan at pinapatay ng mura, kung ganyan naman pala talaga ang karamihan sa masa ay maganda nga kung magiging legal ang diborsyo. Kaso ang diborsyo tantsa ko'y nangangailangan pa ng malaking halaga. So paano naman yung mga mahihirap na pinapahirapan ng kanilang asawa? In that sense, dapat sigurong gawan yan ng paraan ng gobyerno kung sakaling maipatupad ang batas.
Hindi lang naman mga babae ang sinasaktan, meron ding ibang lalake pero ang babae kasi kalamitan kasi mahina sila. Kaya nga sa mga presinto, mayroon pang nakalaan na "Women's desk" para sa mga babaeng namamaltrato at nababastos at wala namang "Men's desk"
Dito kasi sa pilipinas, sadyang talamak ang sakitan ng magaasawa. Kapag wala nang panggastos, kapag walang makain, magsisisihan na mauuwi sa sakitan. Hindi ba nila inisip na kung ang oras na ginugugol nila sa pag aaway ay inilalaan nila para makahanap ng trabaho edi magkakapera pa sila. Hindi yung bangayan ng bangayan.
Sa kabilang banda naman, hindi nga rin maganda ang diborsyo dahil unang una merong sinumpaang kasunduan ang dalawang nagmamahalan na hindi sila magiiwanan 'till death do they part'. Hindi nga rin maganda na na papakasal lang sila dahil trip, dahil mahal pa nila isat isa noon at kapag hindi na nila trip ang isat isa, divorce na. Legal naman pala kasi e.
Pero diba meron na naman din kasing Legal Separation at Annulment dito sa Pinas so bakit kailangan pa nga naman ng Divorce? At the same time, Meron na din namang Legal Separation at Annulment sa Pinas, edi ipatupad na ang divorce bill!
Medyo malabo ano? Kaya ako, di nalang ako poposisyon tutal hindi pa naman ako kasal at wala pa namang balak. Pero ang iniisip ko, ang kasal kasi, sagrado yan e. Nagsumpaan kayo sa harap ng dyos e. For better or for worse diba? Meaning magkasakitan man o sa kasarapan ng sex man.
Dika naman papakasal dyan kung hindi mo siya minahal e. Kung hindi mo naisip na "Siya na talaga" tapos biglang gusto mo makipag hiwalay? Labo e.
Kaso ayun nga, may mga relasyon talagang maling mali. Marahil noong panahong pinakasalan mo siya, dipa nadating ang tamang tao para sayo. Tapos nakilala mo lang ang tamang tao nung may asawa ka na. E saktong lagi kang jinojombag, edi wala na talaga pag asa mabuo pa ang relasyon diba?
Nagsumpaan kayo sa harap ng Diyos diba? Pero kailangan ding minsan ikonsidera na meron talagang mga marital break-ups that are beyond repair. Ganun talaga e.
No comments:
Post a Comment